Kahit dayuhan, kapag namatay sa Japan, kinakailangan ding dumaan sa proseso tulad ng ordinaryong Hapon.
Sakop ng census registration ang mga dayuhan na naninirahan sa Japan kung kaya kinakailangang iparehistro ang pagkamatay sa tanggapan ng munisipyo batay na rin sa nabanggit na alituntunin (census registry).
Maliban sa pagrehistro ng pagkamatay, kailangang isauli sa tanggapan ng munisipyo ang alien registration card at itatanggal sa alien registration. Gayundin, may proseso ring dapat gawin sa bansa na pinagmulan ng namatay. Magkaiba ang prosesong ito sa bawa’t sa bansa kung kaya makabubuting kumpirmahin sa embassy at consulate sa Japan hinggil sa prosesong ito.
Sa sinumang namatayan ng asawa at may hawak na visa bilang asawa ng Hapon o “Spouse of Japanese National,” hindi maaaring baguhin ang tagal ng panahon ng pananatili. Kung nais na ituloy ang pananatili sa Japan, makipag-ugnayan sa Immigration Bureau.