Ang mga tinatawag na part-timer ang karamihan ng bumubuo sa mga manggagawa ng Japan.
Bagamat ang tinatawag na part-timer ay karaniwang may mas maikling oras ng pagtatrabaho kaysa sa ordinaryong empleyado, nasasaklaw rin ang mga part-timer ng parehong mga batas ukol sa trabaho.
Dagdag dito, maaari ring tumanggap ng suporta tulad ng rousai hoken (labor accident compensation insurance) ang mga part-timer. Maaari rin silang tumanggap ng mga benepisyo tulad ng koyou hoken (employment insurance) at kenkou hoken (health insurance) kung matutupad nila ang mga kondisyon para dito.