Kinakailangan ang dokumentong makakapagpatunay ng inyong kinita at binayarang buwis sa mga sumusunod na okasyon: pagpapatuloy o pagbabago ng pahintulot na manirahan sa Japan, pagpasok ng anak sa day-care center, paghanap o pag-aplay na makakuha ng public housing, at iba pa. Kapag kailangan ng mga dokumentong ito, pumunta lamang sa munisipyo ng tinitirahang lugar simula ng ika-1 ng Enero sa taong iyon.
Maaari ding magamit ang kopya ng final income tax return (2-1(2)) para sa mga detalye) o sertipiko para sa withholding tax (2-1(3)) para sa mga detalye) upang magpatunay ng kinita.

Maraming kasong ginagamit ang kinita sa Japan upang magtayo ng negosyo o bumili ng lupa sa sariling bansa ngunit posibleng maningil din ng buwis ang sariling bayan (dobleng pagbabayad ng buwis). Upang maiwasan ito, may treaty na ginawa ang Japan at iba’t ibang bansa (tingnan ang susunod na table). Kailangan lang may magpapatunay ng pagbayad ng buwis sa Japan at hindi na kailangan magbayad pa ulit ng buwis sa sariling bansa.