Ang sistema ng puntos sa Japan ay kung saan bibigyan ng puntos ang bawat paglabag sa mga batas pang-trapiko, pagbaliwala sa ilaw pang-trapiko, at ilegal na pagparada. Kapag naabot o nalagpasan ang bilang ng puntos na naitakda sa loob ng tatlong taon, ang lisensya ay maaring ikansela o isuspindi (Kapag hindi pa nakakuha ng parusa sa loob ng nakaraang tatlong taon, ang 6 hanggang 14 na puntos na naitakda ay katumbas ng pagsuspinde samantalang ang puntos na mahigit sa 15 ay katumbas ng pagbabawi ng lisensya). Ang hit and run, pagmamaneho nang nakainom, pagmamaneho nang walang lisensya ay may katumbas na mabigat na parusa.

Kapag lumabag sa magaang na batas trapiko (hansoku koui), makakatanggap ng asul na papel (koutsuu hansoku kokuchisho) mula sa pulis sa lugar na pinaglabagan ng batas trapiko at resibo (kailangang bayaran sa loob ng walong araw kabilang ang araw na matanggap ang resibo) na kailangang bayaran sa opisina ng koreo/post office o bangko (kahit bayaran ang multa madadagdagan pa rin ang puntos).